中國新人前鋒于大寶，抵達葡超賓菲加後事事順利，日前更喺一場預備組大炒對手7蛋嘅比賽上，大演帽子戲法，並被國內媒體譽為「新蘇加」！點解同蘇加拉上關係？原來小于有個好潮嘅英文名，就係同前克羅地亞球星蘇加串法一樣嘅Suker，所以唔少同胞都希望佢好似蘇加一樣前途似錦；就算學唔到蘇加效力皇馬，都起碼帶國家隊踢吓世界盃嘛！