港股又出現全港皆炒景象，中學生skm在網上表示，近日不少同學吹水時少談無聊事，竟然興致勃勃交換炒股心得，對當炒的股票上市編號更是琅琅上口，「你哋學校有冇同學炒股票？」
skm沒有透露他就讀幾年班，預科生Ray881自言兩年多前開始睇市，並儲錢累積彈藥，去年底終於以二萬多元開倉，「嗰陣買啱隻728中國電信嘅窩輪，炒咗兩轉，賺咗七萬幾蚊。」快錢來得易去得更易，「呢兩個月分別俾2628中人壽同16號新鴻基地產啲輪陰咗我三萬幾蚊。」這位少年股神稱暫時離場，「等啲優質股平啲先買嚟長揸。」
中學教師Alydar以前從事金融業，近日股市興旺，竟有學生向他「問功課」，「有個學生有炒股票，佢知我以前做過財經，𠵱家不時同我傾股票。」