曾錦安（圖）自言對藍籌股興趣不大，他專炒細價股，喜歡發掘股市新星。當富士康（2038）去年9月成為藍籌股後，他已經套現離場，連同窩輪在內，賺了過百萬元。近期他「揸重」中國交通建設（1800），並持有兩隻中交輪；另外，他亦持有部份具奧運概念的半新股。
對於近期的新股，他則認為無甚「睇頭」。他亦不喜歡大飛抽新股──他等到中交上市後第二天，才於6元附近飛身撲入，重鎚出擊，至今賬面賺了50%。
越南是今年最受矚目的新興市場，陸氏實業（366）在越南擁有水泥業務，股價今年以來大升53%，曾錦安自言錯過了入市良機，承認「無可能買晒升嘅股票」。
「高沽低揸」知易行難
「高沽低揸」是他認為炒股的必勝法門，招數看似簡單，但很難做到：「跌市時，要夠膽『撈』；係咁升時，要捨得放手。好多散戶見升時、不捨得走；跌市時又唔捨得止蝕...」
「有些人點樣也會輸，因為永遠錯，不單止犯同一個錯、而且不知錯在哪裏。」股市其實與人生一樣，要認輸認錯，才會有進步。