車路士領隊摩連奴，喺上周六作客查爾頓1:0嗰場波，賽後又被記者質問係咪密謀過檔皇家馬德里；點知一向對謠傳處之泰然嘅摩帥忽然大動肝火，鬧到記者一面屁：「唔想再講喇，如果有人唔尊重我或者車路士，咁就係佢哋嘅問題，但我唔想參與其中，至今一直都無人同我傾過呢壇嘢，就係咁簡單！」摩帥罕有發火，究竟係煞有介事，定係另有心事呢？