搬屋最怕間屋有唔亁淨嘢，乜嘢唔亁淨嘢？唔係要畫公仔畫出腸呀！呢段鬼短片就係一對情侶睇屋嘅片段，一開始就聽到個日本女租客和地產經紀嘅對話，而鏡頭就好盡忠職守咁周圍走，一時影吓衣櫃、一時又影吓廚房左郁右郁搞到頭都暈埋。鏡頭一轉，突然見到廚房旁嘅櫃門貼住咗道符，仲好似有個香爐，有個男人好緊張咁左遮右遮，而個女人就問係乜嚟？究竟係靈位定係符咒呢？可能成班人實在太嘈啦！間屋嘅「主人」喺1:28時終於蒲頭，仲要係鬼鬼馬馬咁匿喺衣櫃嘅上層，打側身瞓喺度偷偷哋咁望住成班人，究竟有冇人見到呢？相信無喇！畀着我，若果當時見到有隻鬼望住我，梗係三十六着走為上着，仲喺度慢慢研究間屋咩！究竟後來有冇人入住呢間凶屋真係無人知喇！
記者：區佩嫦
網址： http://www.youtube.com/watch?v=PaNgAtxtfMc&mode=related&search=