世上最多靚衫着嘅女仔，非Barbie莫屬。雖然呢款手機Game唔係打正旗號，但玩法勁似小朋友幫Barbie換靚衫、化靚妝、上儀態堂嗰種湊女模式，最搞鬼係仲需要教埋佢行Catwalk、擺Post俾人影相……查實講緊呢隻叫「AmericaNextTopModel」嘅手機遊戲，呢個節目喺美國勁出名，玩家扮演一個金牌經理人，並負責訓練你所揀選嘅女仔成為超級模特兒。說穿了其實係一款育成遊戲，不過喺手機上就比較少見，更難得佢唔係一支公玩咁悶，你需要同其他參賽者鬥贏得多比賽，由現在至3月31日為止，只要累積最多虛擬財富，而且集齊遊戲中所有服飾嘅勝出者，你就可以成為「超級金牌經理人」，隨時贏取美國荷李活來回機票一張。如果細個嗰陣冇玩過Barbie公仔，𠵱家響手機玩番都幾盞鬼。
記者：陳國輝
月費：M+20 3HK（31628888）
