「原來海南島係無海南雞飯食㗎，星洲都無星洲炒米食，我哋畀人呃咗好多年…」網友牛頭角小儒俠這項發現雖然並不驚人，卻吸引許多網友的回應：「福建我都搵唔到福建炒飯食」、「俄羅斯都無俄羅斯方塊呢樣玩意」，但一名網友指出：「海南雞飯好似係新加坡㗎噃！」
渾沌接着說：「瑞士雞翼都唔見得真係來自瑞士」，但小儒俠竟然「死雞撐飯蓋」說：「係！我喺瑞士食過。」據稱，瑞士雞翼是由廣州太平館餐廳用一種叫「瑞士汁」的甜滷水創製，有外國食客誤以為侍應所答「SweetWings」是「SwissWings」而得名。
「唔使問阿貴！上海一定唔會有上海麻雀打啦！」見多識廣的踢龜則稱：「法國拿破崙意粉、俄國牛柳絲飯、諾曼第豬扒飯，全部都係香港先有得食。」不過，一些存心搗亂的網友「九唔答八」地說：「麥當勞都無亁炒牛河啦」、「山竹入面都無牛肉」、「周打魚湯我一路都唔夠膽飲」。