農曆新年好快到，除咗要辦年貨，當然唔少得買定利是封封利是，每年呢個時候，都係啲銀行同機構派利是封討客歡心嘅好時機。
屯門地膽代理祥益噚日準備咗15箱合共75000個利是封派街坊，副營業董事張才權好體貼，擔心街坊怕淨係嚟分行攞利是封又冇幫襯會尷尬，所以攞四箱出嚟，安排喺屯門柏麗廣場總部樓下嘅公園派發。
原本諗住搞掂好個檔攤至通知啲街坊，點知搬運途中跌咗箱落地，俾街坊睇到，好快就吸引大批街坊嚟排隊攞利是封。呢四箱利是封總共有2000包一包有10個利是封唔使半粒鐘派晒。若果仲有街坊想要，就要去各分行攞嘞。
祥益不時都有嘢益街坊，唔怪得佢哋喺新界西北嘅地位咁穩固，同行難以動搖啦。
[email protected]