07新股熱潮再度捲起，首隻掛牌的台一國際（1808）表現遜色，首日便跌穿招股價，上市至今3星期仍未回到家鄉。上周則有兩隻新股接力上場，分別有周四及周五掛牌的武夷藥業（1889）及美維控股（3313）。兩隻新股各有千秋，武夷為福州民企，生產24種中西成業；印刷線路版生產商美維則為財爺家族生意。
武夷首日表現中規中矩，較招股價1.8元升8.89%，每手賬面賺400元。新股一出，立即引來網民紛紛討論。《Uwants討論區》內，網民keung1020便以「武夷放唔放好」為題，他擔心「𠵱家1.95元，放唔放好，我驚遲啲放仲低」；kamansiu也附和：「唔放好易冇㗎！」；blackstick亦唱淡：「放咗佢啦，留番啲錢掃平貨！」；Yukm則提醒大家：「𠵱家抽新股要小心，呢隻可能潛水。」
好彩抽唔到……
遲武夷一日掛牌的美維，首日表現令人失望，收報2.31元，較招股價2.25元僅升2.67%，每手賬面僅賺60元。Fion123感慨：「手續費都唔夠！」；fai437幸災樂禍：「原來我抽唔到係咁好彩嘅」；petitsang則擔心：「會唔會破底……」；zhanchocho就建議：「走勢太弱，想像空間不大，2.32元放棄，2.25有可能跌穿」。
信誠證券聯席董事連敬涵表示：「美維係港資公司，加上係工業股，冇乜古仔同概念可炒」，他認為，此股抗跌力較弱，假設後市繼續下調，隨時跌破招股價。至於武夷，他則指出，該股周五收報2.13元，累升18.3%，是貨源歸邊炒上所致，但由於現價市盈率已不低，加上武夷並冇特別因素支持，雖有中資內需概念，料上升空間有限。