搭車、購物以八達通「嘟一嘟」付鈔，雖然給消費者方便，卻也頻發生懷疑扣錯數被騙的事件。今年1月，九龍塘地鐵站出閘機曾多扣230張八達通卡的車費，涉款330元，相信是最多消費者受影響的一次。過去也有市民用八達通卡購物時被多扣款項。
增值500元扣2000元
網友就八達通扣錯數事件議論紛紛。有網友在高登討論區詢問：「個EPS系統扣多咗我三次錢，明明增值500元，點知扣咗2,000元，點算好？」其他網友回應：「八達通最高好似增值到1,000元咋，打去八達通公司同銀行問吓！」
香港討論區網友smallsnake也有被扣錯錢經歷：「我連續三晚在同一停車場泊車過夜，第一日㩒票，之後兩晚用八達通入閘，出車才發現收多咗我錢，因晚上11點前7元一個鐘，11點後5元，佢全部收我7元，兩日都係。各位用八達通入閘時，尤其係按時段收費就要睇清楚喇！」
本報記者