前英格蘭國家隊領隊艾歷臣，離開帥位近半年，但英國狗仔隊依然唔肯放佢一馬。《世界新聞》日前又派出卧底記者，假扮專為富商介紹妓女嘅馬伕，揭穿曾經同艾帥有染嘅足總秘書艾琳，查實係一名高級應召女郎！艾琳講畀馬伕聽，企硬8,000鎊（約12萬港元）兩個鐘呢個價，少一蚊都唔得；求大俠心諗，艾帥高薪厚祿，同佢有一手嘅自然有番咁上下「價錢」！