國家為咗完善內地房地產市場機制，以及打壓過熱樓市，差唔多每年都有針對房地產市場的新招推出，不過，有啲港商一於冇有怕，因為上有政策，下有對策！
萬事有商量
好似早年國家已要求將所有土地以招標拍賣形式出售，希望咁樣可以反映土地市場價格。不過喺瀋陽市就有港商以收購公司名義，買入當地地皮，迴避需要將土地公開拍賣嘅原則，兼且可以較低價買到地皮㖭，當中賺取嘅土地溢價分分鐘過億元，仲可以巧立名目以其他收入入賬！
又好似早前國家要求每個樓盤物業要撥出某個百分比率，興建面積唔過90方米以下物業，唔好起咁多豪宅；不過，地方政府同發展商可以解讀為大面積地區城市嘅某個百分比唔可以起豪宅，發展商啲純豪宅物業照建可也。
所以話呢，𠵱家最新嚴格執行嘅土地增值稅政策，由於屬地方稅，所以萬大事有商量，各位地產商及股民其實唔需要咁擔心。
[email protected]