唔知係咪年紀大，經常短暫性失憶兼無記性，已經睇咗啲增強記憶力嘅書，但好似無乜幫助！唔通真係要用咒語？上網見到呢個可以增強記憶嘅咒法，所用嘅材料好簡單，只係用月桂葉、迷迭香、馬鞭草和薄荷這幾種香草。係咪得先？一於睇吓點玩法！將材料用熱水泡成茶，隔起茶葉後將茶喝下，飲後把茶葉握喺右手邊搓邊講：「自然的精靈、大地的力量、請讓×××（自己個名）頭腦變得更靈活，讓×××（自己個名）不再忘東忘西。」個網仲話呢個配方最啱提升短暫記憶，仲以兩星期為一個療程，若果諗住考試前用嘅話，就最好喺考試前兩星期開始飲喇，記住每日只可以飲一杯，療程完後就要停服一段時間。究竟有冇效呢？熟悉西方巫術嘅Ella就話，咒語有冇用就唔知，不過啲香草就有醒腦提神嘅作用，既然有咁嘅作用，唔使念咒日日飲都得啦！
記者：區佩嫦
網址： http://catcatforum.com/discuz/viewthread.php?tid=496565&extra=page%3D1