「好馬不吃回頭草」呢句話，相信大家都明白。尤其係女仔，曾經鬧交鬧翻咗嘅男朋友，就算追番你，我勸你哋都唔好要。你諗真啲，如果真係咁啱自己，就唔會分手啦！
球圈現實唔掂即炒
不過喺球圈就唔係咁講喇。好似拜仁慕尼黑咁，大家都知呢隊班霸近排運滯，炒咗馬加夫後，即刻搵番希斯菲特呢個前教頭。我對希帥就唔太熟識，淨知佢曾帶領過拜仁4奪聯賽冠軍，到04年得番個聯賽亞軍後，就唔再用佢。
講番馬加夫，上年去德國睇拜仁比賽後，居然可以同佢影相喎！佢真人好nice，有人搵佢影相無怕麻煩之餘，更面露笑容。知佢俾拜仁炒咗後，唔多唔少都「戥」佢唔開心。球圈就係咁現實，無論之前有幾好成績都好，今季球隊一唔掂就即炒，完全無情講！
德國嘅教練圈子好細，來來去去都係嗰幾個。「食回頭草」好平常，話唔定一旦希斯菲特帶得唔好，拜仁又要搵番馬加夫呢！
WENDY
由歐國盃EuroBabes，變身球彩台受歡迎主持。