對於許冠傑承認擔心張耀榮財政狀況，以及擔心趕不及印飛，言語間暗示4月與張耀榮合作之演唱會極有機會告吹，張耀榮昨在電話中說：「要證明嘅話，我咪叫律師搞囉，冇問題㗎，佢簽約我咪畀錢佢囉，印唔切飛咪推遲啲。我幾個月冇同佢（阿Sam）通過電話，大家要坐低慢慢傾至得㗎嘛，你做就做，唔做我張耀榮唔會迫人。」
越鬧越好火
早前高志森以阿Sam演唱會監製身份，為阿Sam被張耀榮炮轟拒絕宣傳演唱會而大抱不平，近日更盛傳高志森拉攏阿Sam跟東亞娛樂合作，飛起張耀榮；昨日張耀榮一聽到高志森名字時，即無明火起三千丈說：「我同阿Sam講嘢關佢乜嘢事，佢（Sam）做唔做關佢乜事，佢（高志森）係乜水？我識佢老鼠，我同佢未交易過。」記者問張耀榮與阿Sam演唱會若如期舉行的話，會否交由高志森擔任監製？張耀榮勞氣說：「畀佢做？搞衰咗咪死人？畀佢做製作我都冇信心啦，佢識搞咩？佢做監製冇人買飛咁點算呀？」