軟硬天師和Twins前晚擔任草蜢演唱會嘉賓，軟硬繼關淑怡之後掀起第二浪高潮，葛民輝與林海峰（阿Jan）戴紅番帽上台，阿Jan說：「呢個造型係參照一個偶像級嘅造型，係阮兆祥纖體廣告，並非草蜢。」蔡一傑便取笑他的帽像白鮓，讓人捧腹。
阿Jan爆料說：「我見阿細（蘇志威）做熱身，着住件浴袍，裏面乜都冇着，然後做掌上壓pushup，係咁叫，搞到化妝個女仔好尷尬咁笑，我話你未見過勁嘢咩？六嚿腹肌好fit呀。」
阿Sa儍笑遮醜
阿Jan謂很想草蜢與軟硬合併成新溫拿，他說：「我做阿倫，因為我有個林曉峰，阿葛做B哥哥，阿細做生意，就係陳友，阿智鍾意水上活動，健仔又鍾意釣魚，啱晒，傑仔做阿強囉。」
Twins出場與草蜢合唱賀年歌《紅噹噹飛吻》，蔡卓妍（阿Sa）rap時甩嘴忘詞，她以笑遮醜說：「好難記呀！」蔡一智為她們硬銷賀歲片《雙子神偷》，阿Sa說：「唔好再講，呢個gag好爛呀。」