社會越來越開放，過去俗稱「三仔」的色情光碟可能只有男性觀眾，但到了今天卻不乏女戲迷。不過，女友觀看「三仔」並非所有男人都可以接受，男人對此多數持雙重標準，「本來我諗住佢外表斯斯文文，估唔到佢原來咁隨便同放蕩，我應唔應該同佢分手？」
網民Martinlee日前在女友家中發現「三仔」，他說：「我同女友相識咗半年，最近開始有性行為，前日上佢屋企，喺書櫃內發現有十零隻色情光碟。」事件令Martinlee晴天霹靂，即時上網向網民求助。
遭男網友圍攻
不過，Martinlee將女友觀看「三仔」等同隨便、放蕩，即時遭到男性網民圍攻。網民fai708反問：「如果你女友發現你睇三仔，你女友話同你分手，咁你又會點呀？」網民CMB123也稱：「男仔睇鹹碟就係正常，點解女仔睇就話放蕩呢？」
雖然也有不少網民認同女性比較少觀看色情光碟，但Martinlee為此打算向女友提出分手卻被批評持雙重標準，有網民甚至認為「你女朋友都可能係想學嘢啫，係唔係你唔得呀？」