車路士已經3連勝兼開大，3場總共入10球，球隊重入佳境。雖然上仗聯賽艾殊利高爾傷出，不過隊長泰利可以復出，車仔今晚對住查爾頓仲唔十拿九穩！
自從泰利上年12月中受傷後，摩連奴嘅車路士喺排陣上面，要負上全部責任。賣走加拿斯係導致車仔喺聯賽失利嘅原因！加拿斯助攻力強，打閘打中堅都得，甚至防守中場亦得！借用讀歷史嘅方法學，如果冇賣加拿斯，車仔會點呢？當然佢可以替泰利客串中堅，拍住卡維奴，艾辛就可以打番防中，中後場基本上不變，亦唔需要落得如此下場！可惜，加拿斯已經走了……
今晚，查爾頓主場，鄭智可唔可以出場依然係13億中國人最關注嘅議題！呢場波，真係好期待鄭智，亞洲盃睇過佢踢波，的確係一位有份量嘅球員，前中後位置佢都啱踢！
呢場波，如果覺得車仔客勝冇肉食，大家可以試吓「讓球主客和」「和局」，而我就繼續要入球「大」！
周鵬
商業1台《球迷集中贏》主持
電郵：[email protected]