躁狂小生「皇氣」離開三色台一段時間後，呢輪回歸拍劇，不過脾性一樣冇乜點變，佢之前同「寶寶哥」合作主持節目，唔知發乜神經，搞到寶寶哥同佢反晒面，話明以後唔會再合作。其實寶寶哥人品幾好，好易同人相處，皇氣搞到佢咁扯火，可想而知皇氣真係幾難頂。
想改人劇本
話說早排皇氣同姐仔「小羊」合作拍劇，一樣冇面畀，成日鬧到小羊狗血淋頭，如果有記者嚟現場探班，皇氣就一定咬實話係小羊叫人嚟，又話搞到佢唔可以專心演出。小羊喺咁俾人鬧，開親工都有啲精神衰弱，真係陰公！講真皇氣其實係唔錯嘅演員，做嘢係好認真，但脾氣就真係要改改，成日同人嘈都唔係辦法，好似有時佢明知三色台啲劇本唔得，想改番好，但真係超出佢嘅權力範圍，佢應該避忌吓！
Textby關仁
