高志森早前以許冠傑演唱會監製身份，為阿Sam拒絕宣傳個唱抱不平，言論惹來張耀榮不滿，直斥高志森「識佢老鼠」，又指他不懂演唱會製作云云。對於張耀榮連番指摘，高志森昨日在電話中語氣平靜說：「佢鍾意點講就點講，呢個世界任何人都有言論自由，我唔會回應佢講嘅嘢。」
「計劃進行中」
近日有消息指高志森拉攏阿Sam與東亞合作開演唱會，飛起張耀榮，高志森未有正面回應，只說：「演唱會呢個計劃當然正在進行中，但現階段冇任何嘢可以透露，呢排都有好多人追問呢個計劃，到適當時候自然會公布。」
早在80年代高志森已多次與許氏兄弟合作拍攝電影，93年更找阿Sam當主角演出《水滸笑傳》及《花田囍事》，相隔7年後，阿Sam又出山參演高的賀歲片《大贏家》，可見他們交情非淺。
對於高志森拉攏東亞接手搞阿Sam演唱會，東亞娛樂廖毅榮昨日在電話中說：「我唔知，都冇聽聞過，做唔做要睇條件囉，如果話唔使錢梗做㗎，真係傾咗先知，我自己就未傾過。」