雖然黃宗澤只得26歲，但星途大起大落，03年憑《衝上雲霄》上位，翌年被前女友數臭食軟飯，事業跌落谷底；05年憑《我的野蠻奶奶》絕地反彈，去年播出主演的重頭作《賭場風雲》，反應和收視卻平平。
論盡新進小生
黃宗澤很阿Q，仍自我勉勵說：「我覺得未必係壞事，有啲嘢冇咗至識珍惜，一路以嚟都咁順利，就唔會有𠵱家嘅黃宗澤，冇一個睇得開嘅我。狗仔隊追得到，咪任你影囉，無傷大雅，明知𠵱家嘅風氣，都係影到少少嘢就放大100倍去講，睇得開咪冇嘢囉。」
去年鄭嘉穎跑得快，林峯和馬國明也逐漸從後趕上，相比之下，黃宗澤事業發展有點慢，但他說：「每個人都有播種期，其實我冇休息過，自從《奶奶》之後，拍咗好多劇集，多到數唔清，係默默耕耘期，𠵱家拍緊《珠光寶氣》，工作已經排到8、9月。」
外界常將黃宗澤、鄭嘉穎、吳卓羲、林峯和馬國明五位小生相提並論，在黃宗澤眼中，幾位小生各具特色：「鄭嘉穎攞男主角獎，我心服口服，佢入行耐過我，深信嘉穎嘅演戲經驗好過我；吳卓羲外形好，charming；林峯有潛力，識唱歌，又識跳舞、演戲，多功能；馬國明係勤力人，唔知點解我咁多產，都係覺得佢勤力過我，佢喺某啲時候有啲怕醜，可能佢比較內斂啦。」