過年買電視:細部LCD-TV 都有高解像

過年買電視:細部LCD-TV 都有高解像

一連兩日講過Plasma嘅好處同壞處,今日輪到解構一下市面上賣到烘烘聲嘅LCD-TV。約3年前,Plasma(電漿/等離子電視)憑住超薄及巨大尺寸震撼影音界,但生產成本及售價相當嚇人,閒閒哋十幾萬落樓,適時電腦界嘅LCD屏幕開始冧價,有腦商人把心一橫,用最靚嘅LCDPanel,再加內置TV-Tuner接收電視節目,變成今日嘅LCD-TV。簡單講,LCD-TV由技術到生產概念,基本上係嚟自電腦用嘅LCD芒,相較Plasma,LCD-TV最大優勢係液晶體Pixel夠細,大大增加屏幕解像度,令到細寸數LCD-TV都有不俗嘅高清效果,不會出現Plasma烙印弊病,對煲機一族、證券行等相當適合。同時繼承LCD近乎「零輻射」、生產成本較Plasma低,故喺呢幾年間迅速冒起,成為目前主流薄屏電視。LCD-TV有高解像、平價等優點,但存在不少缺點,下次再跟大家討論。
文:高清俠

Bytheway

刊登了幾天,LCD-TV和Plasma有好有唔好,作者長篇大論,未解決到電視迷需要,讓我來總結。
方法很簡單,打電話給作者。「喂,一句到尾,講吓你屋企用邊部電視?幾寸?幾錢?好唔好?有無後悔?有無想買過?冇無打機?睇電視多定係DVD?有無壞過?」
作者現用一部萬多元的LG42"Plasma,他經常打機和看DVD,問他會否換LCD-TV?他斬釘截鐵:「唔會,因為Plasma夠清,而且畫面靚,雖然我成日打機,好易會Burn咗個畫面,但最新一代Plasma可減少呢個問題。Plasma嗰種靚係LCD-TV比唔上,我打算換部約$35,000Sharp嘅Plasma,價錢合理,質素和耐用性都好高。換LCD-TV?都話唔會啦,咁煩㗎。」收線。
聽完這番話,明顯地,Plasma在這些影音老鬼眼中,是LCD-TV不可取代。
作者對LCD-TV和Plasma都非常熟悉,最後他死也不換LCD而揀Plasma。這個就是結論,你明白了嗎。