有人的地方就有得鬥，前晚李彩華（Rain）、官恩娜及李蘢怡等一班靚女出席雜誌頒獎禮，因為人人有獎攞，因此要鬥就要鬥搶鏡。為求出位，Rain懶理大會dresscode，以藍色超低胸裝示人，又揚言身材全屬真材實料，更沒有加胸墊，反而有料之人李蘢怡似乎上圍縮水，風頭被搶。
李彩華、官恩娜、李蘢怡、陳苑淇及劉心悠等一班靚女前晚到尖沙嘴出席「SuperBrandsforHIM」頒獎禮，眾星應大會要求穿上紅黑衣服亮相，而且個個低胸，獨阿Rain沒依dresscode，以藍色超低胸吊帶長裙現身，展露豐腴不少的酥胸，頓成全場最性感女星。反而公認有料之人李蘢怡雖也以吊帶低胸裙示人，但上圍明顯縮水，風頭頓時被搶光。
「沒加墊托胸」
阿Rain獲頒發「TheMostWonderfulCoverInThePastSixYears」獎項，她自言曾拍過最性感的封面照就是大露背。問她何不以紅黑色服裝亮相？她解釋為要遷就設計師，又表示這襲長裙與價值六位數字的古董珠鏈均是贊助的。問阿Rain是夜是否特地騷quali？她就說：「都唔勁，普通嘢啫，黐晒膠紙打底嘅，唔使擔心走光。我條裙太長，着咗四吋幾高踭鞋㖭呀。」
談到阿Rain近來頻以性感示人，是否因豐胸成功才作如此打扮？她說：「都冇乜點變，係啲衫cutting好，着得好睇啫。」問她有沒有加墊？阿Rain表示：「唔會，甩咗出嚟仲肉酸，我露個黑bra邊都係fashion嚟咋。」
獨愛粗腳男
官恩娜前晚獲頒發「TheMostUnforgettableCover」，她自言覺得自己的笑容最讓人難忘，是夜見她不停拉衣裙，問她是否很不安全？Ella說：「好少嘢，我身材又唔係好，又冇嘢睇，我覺得唔一定騷身材先叫性感，一個眼神已經可以性感，不過我未着過三點式影相，如果為慈善都可以試吓，我覺得我嘅腳踭最性感。」Ella謂她心儀的男人一定要腳粗，最怕腳幼得看來像很易斷。
採訪：何永寧
攝影：林德雄
