法國超級名牌LouisVuitton為迎接農曆新年來臨，也入鄉隨俗，於中環置地廣場旗艦店的三段樓層的LED螢幕玻璃樓梯，投射了極富賀年氣象的圖案如年年有餘的錦鯉，象徵花開富貴的桃花，monogram圖案化身成金幣、「福」到及恭喜發財的字句。
昨日名模姚書軼（Mikki）示範一系列以紅色為主、極具情人節及中國農曆新年氣氛的LV產品。Mikki表示農曆新年會與男友Sunny及其家人合共十人，組成旅行團回上海與家人度新歲。
上海見家長
問Mikki是否給父母見準女婿，她說：「上海叫呢種關係做『毛腳』，其實呢幾年我同Sunny每年返上海過年，不過今年係第一次Sunny同父母、家姐一齊去，我媽咪仲笑笑口話好大壓力，因為要煮成十幾個人嘅晚餐。同埋我哋上海人新年最重視年初五，會喺年初四晚放煙花迎接初五，因為係有迎接財神嘅意思。」問Mikki打算何時結婚派利是，她笑說：「應該𢭃埋08年利是就會結婚。」
採訪，攝影：RitaLeung
