人怕出名豬怕肥，張曼玉正因為紅而被人侵犯肖像權。早排內地波司登公司將張曼玉為鉑金協會拍攝嘅相移花接木，套用成為保暖內衣平面廣告，引發官司。上海市第二中級人民法院前日認定波司登侵權，要賠償張曼玉經濟損失30萬人民幣，以及賠償20萬人民幣畀鉑金協會，仲要喺內地報紙刊登道歉聲明㖭。