我求大俠近日見查爾頓嘅中國國腳鄭智成日戴住頂冷帽，英國太凍？照計佢喺遼寧出生唔應該怕凍㗎？後來聽一個採訪佢嘅中國記者講，鄭大哥最近去唐人街間飛髮舖，用咗15鎊（約230港元）剪頭髮；會唔會嫌剪得唔靚，所以……。其實鄭智去到英國，咁慳做乜？遲啲有機會出場，有成13億對眼望住，不如搵個大師級髮型師剪過喇！