紐卡素前日主場輕取阿士東維拉3:1，最開心肯定係紐記中場球員占士米拿。話說呢個後生仔喺舊年夏天一心加盟維拉，但據講維拉喺轉會市場關閉前最後關頭至放棄收購，令占士米拿失晒預算。所謂君子報仇，十年未晚；占士米拿前日對住維拉大發神威，開波5分鐘就轟破對方大門，跟住再加1次助攻，呢鋪真係咩仇都報晒囉。