若果有隻女鬼日日咁黐住你，你會點？仲使問！唔知梗係無所謂，知就一定嚇餐飽啦！呢段短片叫「謎之女」，段片一開始就係無厘頭咁影吓街邊啲警車和修路車，可能試機啩，所以開頭可以不理，直飛去12秒，鏡頭影住個男仔邊行邊同部攝錄機傾偈，最初以為無乜特別，突然男仔嘅右邊出現咗位超的骰嘅女仔，呢幕都算係高潮位，個女仔（定女鬼？）披頭散髮咁跟住個男仔，仲要含情脈脈咁嘅樣喎，唔通玩陰陽戀？鏡頭一轉隻女鬼就出現咗喺鏡頭嘅右邊，仲要同個男仔擦身而過！但點解擦身而過時，個男仔好似識避開，唔通感應到隻女鬼喺側邊？究竟段片係真定假呢？
記者：區佩嫦
網址： http://www.youtube.com/watch?v=U4FTVd8pcFA&eurl=