台灣音樂才女許瑋倫上月底車禍身亡，噚日係佢嘅頭七，佢嘅雙親為免白頭人送黑頭人，法事由佢師姐同師兄帶領家人誦經，許爸爸哽咽話：「這麼冷，我怕她找不到路回來。」有關許瑋倫生前好多物品最近都俾人放喺網上炒賣，特別係佢第一本著作《蛋蛋日記》吸引咗大約60人同時競投，結果本書由原價約100蚊港紙炒到約5,000蚊，不過有人畀錢後一直收唔到貨，懷疑受騙。