高雲地利位於英國中部，伯明翰城近在咫尺，就好似坐火車由火炭出尖東咁近，嗰度可以選擇阿士東維拉或者伯明翰城嘅主場賽事；天氣方面非常溫和，唔似倫敦經常愁雲慘霧。
遲開波為等作客球迷
中部人會叫高雲地利做蔚藍天空（Skyblues），因為大部份日子，天空都係藍天白雲，球衣都以藍白間條為主色，一日內你會經歷4季，雨後彩虹保證隨時可見！
沉悶課堂令人透不過氣，興奮嘅事，莫過於衝出校園，南下首都倫敦，嗰度有6支英超球隊，你可以用兩個鐘頭火車時間，想清楚要睇邊隊。比賽日早上7點就要出發，因為賽事通常中午開波，車程加火車延誤，要半天時間先到！所以有時英超遲開波，係為咗等火車延誤嘅作客球迷。
通去球場嘅大街小巷，一定人山人海，最好都係守秩序，有球迷掟玻璃樽放煙花，騎警隊就會現身維持秩序；唔好違例泊車，事關拖走架車事小，7日無車用事大！
馮嘉奇
碩士球員讀萬卷書，親身歷盡各國足球風情。