呢排港股狂升暴跌，喺全城一片炒股聲中，唔能夠搭上兩嘴就冇運行，利嘉閣太古城區域經理施志剛就實唔怕嘞。皆因佢啱啱出份新聞稿，套用股市術語講鰂魚涌太古城樓市，係咪好in呢？
佢一派專家口吻話樓價由05年中開始橫行，阻力區係呎價5000至5550蚊，但上個月成交呎價以「上升旗形」衝破5600蚊關口，突破05年高位；仲話用技術形態分析，成交價量走勢靚絕喎，突破旗形後價格變動力度會極強。咁結論唔使講都知啦，都係暗示今年樓市會有大升浪啫。
為咗顯示權威，施志剛用咗幅05年1月至上月嘅太古城成交價量走勢圖（見附圖），畫埋線話畀大家知點樣係「旗形」。
買股票用嘅錢小小哋都有交易，但係買樓閒閒哋都要百幾二百萬，咁睇圖跟風入市係咪制得過，大家就要諗清楚先嘞。