譚詠麟（阿倫）同鍾鎮濤噚日接受商台電話訪問，宣布溫拿於農曆年初一至年十二（本月18號至下月1號）舉行嘅演唱會，會喺年十三（下月2號）加開一場，共13場。提到蔡國權失去物理治療機會，阿倫話：「上次籌咗150萬，自從近日有報道出街，我查問之下知道筆錢部份喺佢朋友度hold住，某啲原因放唔到筆錢出嚟。」阿倫話聯絡唔到蔡國權家人，仲話如有需要會幫手聯絡搵社署幫忙。