蔣雅文（Mandy）和石詠莉前晚在中環一酒吧行花生騷，她們所穿的服裝比較密實，不算性感。Mandy表示朋友舉行生日派對她才會到酒吧，自己甚少夜蒲，問她是否怕影響形象，又或擔心和男藝人傳出緋聞？她笑說：「我自己係生活規律嘅人，冇嘢做都只係會上網、寫blog同覆電郵。」
問Mandy可有fans在blog向她示愛，她說：「只有支持自己嘅說話，但都有人講過啲傷害性說話，因為自己同李逸朗（Don）拍咗個有嘴戲嘅MV，可能係咁多咗啲女性敵人，估計嗰啲係阿Don嘅fans。」
石詠莉聞虐兒扯火
此外，很喜歡小朋友的石詠莉自爆近日閱報見到很多虐兒新聞，令她非常憤怒。問她可會做未婚媽媽，她說：「我得20歲咋，雖然我恨嫁，但暫時工作為先，不過如果真係不幸有咗，都會做個有責任嘅年輕人。」
採訪：魯萍 攝影：陳志嵐