泳兒、黃耀明、王浩信及方皓玟等前晚在將軍澳電視廣播城錄影節目《勁歌金曲》，泳兒和黃耀明合唱了三首懷舊歌曲，她接受訪問時說：「之前同明哥喺慈善節目合唱過《把根留住》，覺得佢好錫我，我入行第一個記者會，明哥都有捧場，而佢為咗就我個key，唱歌時都要唱高啲，我希望可以同明哥合唱一首屬於我哋嘅歌。」她又透露新碟將於下周二（6號）推出，近日忙於為新歌拍MV，並打算以古裝造型示人。
明哥借商品造勢
此外，黃耀明昨日在中環出席「軒尼詩V.S.O.Px黃耀明」續約儀式記者會，今年明哥繼續與該品牌合作多個音樂活動，他說：「𠵱家啲人都唔理音樂，所以要靠啲商品宣傳，呢個品牌對我所有嘢都好有興趣，將會有好多合作。」今次合作主題為mixing，明哥希望能與陶喆合作。
採訪：藍文浩
攝影：陳偉權