明日跑馬，香港市民熟悉的「精英大師」又再上陣，這匹前馬王將角逐短途三冠賽頭關；好馬多數眼大大、雙目炯炯有神，不過，今回「精英大師」卻要變身幪面超人。
服役4年多，向來以真面目示人的「精英大師」，今次要戴眼罩上陣了，這個裝備通常可幫馬匹集中精神；馬王用到這裝備，已是扭盡六壬了。
由馬王想起球王，足球界苦心孤詣，不惜紆尊降貴，為實現目標無所不用其極的，應是羅馬里奧吧！40歲人了，由80年代初做青年軍開始，踢波踢了20多年，高峯期早已過去；講地位，無論可否入到1,000球，都足以名留青史，國際足協不是已選了他為世界最偉大的125位球員嗎？
羅馬里奧夠硬淨
試過了美洲、澳洲的次級聯賽，上月看報道指，羅馬里奧打算簽番華斯高，到底國際足協有冇批准呢？好像沒有下文了，無論如何，能夠咁硬淨堅持，總是令人尊重的。至於「精英大師」呢？佢冇得揀，只能繼續跑下去。
張美德
記者出身的著名馬評人，現職馬會節目主持人。