據內地《新浪娛樂》噚日報道，黃聖依噚晚應該出席遼寧衛視嘅春節晚會，但前日有記者喺綵排現場見到黃聖依嘅經理人那辛去咗天天漁港海鮮城，得知佢哋噚日訂咗兩圍共20人嘅宴席，仲要求飯店預備大批鮮花，黃聖依父母都有到達沈陽。近日有消息指黃聖依同男友楊子好事近，所以唔知那辛訂呢兩圍酒席係為黃聖依同楊子訂婚用，定係為佢洗塵呢？