胡美儀一連五場嘅演唱會前晚終於喺沙田大會堂圓滿結束，佢同老公毛俊輝都鬆一口氣，毛俊輝仲應要求錫咗老婆一啖。胡美儀話一個月內做五場，好似做咗一個月騷咁，情緒緊張，所以老闆話想再開五場，佢都耍手，最慘係冇時間照顧老公。胡美儀話情人節會同老公去日本旅行休息，胡美儀好開心咁話：「終於可以交番個老婆畀老公啦！」