墨西拿日前終於炒咗教練祖奧丹奴魷魚，由前萊切教練加華辛取代。呢單嘢其實有段古，話說當會方決定炒祖奧丹奴後，班球員學足利禾奴球員咁，同會方攪對抗保帥，會方一度收回成命；殊不知球迷喺球會總部門外請願，威脅話祖奧丹奴唔走，佢哋以後作客比賽都唔捧場，結果會方最終都向祖奧丹奴開刀。成件事好似鬥大聲咁，都咪話唔兒戲。