曾與趙薇舊愛葉茂青傳緋聞的女藝員汪琳，近年與商人男友J君蜜運中。上周二人由美國拍拖返港後，即牽手到銅鑼灣進行大維修，包括補鞋、整靚髮兼修理手錶，汪琳笑言獨愛男友面懵心精，對方儍儍吓卻冧得她甜入心。
現年31歲的無綫女藝員汪琳，以前因與內地女星趙薇舊愛葉茂青傳緋聞已為人注意，但原來近年她已另泊好碼頭，和一名從商的四眼男子J君拍拖。
穿情侶裝
上周五下午5時多，汪琳和J君拍拖到銅鑼灣進行維修大行動，全程十指緊扣，表現相當甜蜜。
當時手挽一個價值8,650元的LVMonogramMiroirPapillon手挽袋的汪琳，和J君穿上情侶裝羽絨褸，在銅鑼灣利園商場LV名店拖手逛街。現場所見，汪琳男友外形斯文，容貌敦厚，兩口子不時拖手、搭膊或蹺手而行。其後他們到黃金商場逗留約20分鐘，再到崇光百貨附近一間補鞋店整鞋，尾站則到髮型屋整靚髮，最後才漫步至百德新街搭的士離開。
昨日本報記者致電汪琳，她直認蜜運中，她說：「我嗰日啱啱喺美國返嚟，我家姐喺美國結婚，男朋友都有陪我去，我哋感情已經好穩定，佢個名就唔好講啦，叫佢做J君啦。嗰日好多嘢做，要去LV整錶，又要補鞋。」哪J君有何地方吸引她？她笑說：「佢幾有生意頭腦，面懵心精，唔好見佢儍吓儍吓，佢幾精，我唔敢喺佢面前講錯一句話。」她稱男友未曾求婚，大家也須為事業奮鬥。
星途平平
汪琳現正忙拍無綫處境劇《高朋滿座》，曾先後參演《鳳凰四重奏》和《甜酸爺爺》等劇，雖然星途平平，幸而愛情得意。
採訪、攝影：娛樂突發組
