星展銀行為咗宣傳首個「特快私人貸款中心」，兼且農曆新年就到，噚日率先請來財神，特登喺元朗街頭派「可愛版財神」，點知財神一出，班街坊就湧埋嚟，唔夠一粒鐘，就派咗成3000張「可愛版財神」，見到街坊嘅反應咁熱烈，銀行方面唔敢怠慢，立即加印過萬張嚟「應市」，並準備喺其他分行派發，而財神受歡迎，更要加班至2月初。
呢個特快私人貸款中心會一站式處理申請、批核，現金可以即時到手，嚟緊仲會有3家分行嘅特快私人貸款中心投入服務；聽講，為咗吸引客戶，星展今期特別向所有申請者送贈半打聖安娜西餅（其實係餅卡至真），成功獲批貸款嘅人士，就另可獲得100蚊百佳禮券。
[email protected]