做過賓架嘅，特別係財務總監CFO呢個位嘅銀行界高層，近年成為唔少上市公司挖角加盟嘅對象，早前傳過會過檔上市公司嘅工銀亞洲財務總監鄧錦新，跳槽消息終於獲得證實。
Lawrence（鄧之洋名）噚日發咗電郵通知各方友好，話噚日係佢喺工銀亞洲最後一日返工，稍後會加盟一間上市嘅金融控股公司，做董事總經理，但具體詳情佢唔講住，淨係透露住咁多先。
據華華側聞，Lawrence新嘅工作地點，喺中銀香港大廈，嗰間上市金融公司，係一個大集團旗下四間附屬機構之一，個集團有搞地產同埋金融等綜合業務，各位聰明嘅讀者，不妨猜吓係邊間寶號。
[email protected]