為人父母總係鍾意影低囝囝囡囡嘅生活片段，就係呢啲片段先容易出事！呢段日本片叫做《小孩的身後……》，全長2分38秒，除非你唔介意聽個小朋友唱你聽唔明嘅日文歌，唔係頭分半鐘你可以飛咗去。去到1:35就要撐大眼，當小朋友懶Cute咁打側頭時，佢身後就出現咗個着住背心裙嘅妹妹，個妹妹邊向前行邊望鏡頭揮手。睇時你要留意小朋友背後其實好近欄杆，以嗰個角度嚟睇，一係妹妹坐喺欄杆，一係就凌空飄，若坐喺欄杆就無理由會曉行，識飄就無理由係人啦！4秒後，妹妹就企喺小朋友後面，個Feel都幾恐怖㗎！妹妹啲頭髮遮咗半邊臉，五官就睇唔清楚，只覺得好有貞子Feel！
記者：區佩嫦
網址： http://www.youtube.com/watch?v=mIKe4IrgKbw&eurl=