「你有壓力，我有壓力，你做乜挑釁我呀？」巴士阿叔陳乙東的名言道出不少都市人的心聲，很多事情正如巴士阿叔所講都「未解決」，也許真是無法解決，如打工仔網民Love_is_blind經常受老闆氣以淚洗臉，鬱結重重。「我俾上司話吓玩吓，好易唔開心，好易喊，有咩方法可以堅強啲？」
「我一唔開心就好掛住屋企人，我要堅強啲，係唔係要俾人鬧多啲先會越戰越強？」網友Love_is_blind的心聲引起不少OL網民共鳴。yoyo_sweet表示：「我都係好易喊！原來有人同我一樣，我都叫緊自己堅強啲！」
網民jodie0404安慰說：「我舊時都會好易喊，但我老細話我要喊都唔好喺人前喊，始終係工作嘅地方，無人會體諒你，一次半次就算，如果唔係啲人就會話你扮可憐或者情緒有問題。」原來很多OL都會因為捱罵而在辦公室哭了出來。不過，網民Sober9022認為「真正嘅可悲係公司嘅人當你透明，無人願意去鬧你，知冇？」