黎姿與邵美琪昨日現身油麻地區的街市，拍攝無綫新劇《珠光寶氣》一場買餸戲。昨日原定下午2時開工，但黎姿卻在3時半才到場，令拍檔邵美琪呆等了個半小時，而借出魚檔的老闆也等得很不耐煩，由於劇組需於4時前交還場地，故眾人也心急如焚，結果逾時一句鐘才能拍完。
遲到賴轉裝
兩位靚女蹺住手在街市買餸，自然吸引街坊圍觀睇拍戲，有位中年男子經過拍戲現場，原先顯得很興奮，還大聲問：「係咪陳寶珠拍戲呀？」待看清楚後即一臉失望說：「唓！黎姿之嘛！」
黎姿事後解釋說：「我今朝六點已經開工，又要轉頭，由鬈髮轉直髮，忙到廁所都去唔到。」她更愈講愈火滾，提高聲調說：「姐姐（指記者），我之前喺屯門開工，好多人都知。」不過被問到是否無綫安排失當時，黎姿即收斂語氣說：「一向都係咁安排㗎啦！」對於累及邵美琪呆等，黎姿說：「係呀！不過都冇辦法㗎啦！」
採訪、攝影：楊潔雯
