有人當拍拖如在森林狩獵，有人則當是賭博。一向給人印象口花花兼花心的吳嘉龍，他對追女仔卻另有一番妙論，半個鬼仔的他形容追女如買馬，可以買獨贏，也可買位置，眼光準的話分分鐘10元便有斬獲，口不擇言得來當中不是沒有道理。
吳嘉龍及名模Rosemary昨日分別以愛神邱比特及天使造型，在尖沙嘴出席「希臘浪漫滿新地」活動，充當老爺車司機的吳嘉龍貫徹頑皮本色，儀式完結後要在大會backdrop前合照，他卻駕車不知所終，要大會公關勒令他回來，另外Rosemary身穿白色迷你裙，坐下時小心翼翼以莎朗史東《本能》（BasicInstinct）甫士蹺腳坐，吳嘉龍又抵死照跟她這樣坐。
追女漁翁撒網
吳嘉龍同場更妙論追女仔，他說：「好似買馬咁，有時買win（獨贏）、有時買place（位置）囉，有時買10蚊都中啦。」記者即指他十分花心，他說：「講吓笑啫，我唔係你哋諗有咁多女朋友，唔想投資咁多呀。」
至於有周刊拍攝到Rosemary與Christopher相約打網球的照片，問Rosemary是否意味兩人其實未分手、轉玩地下情？她說：「唔係，我哋只係朋友，𠵱家我唔想分心，想集中精神喺工作，不過情人節我會送朱古力畀佢。」
男友要過母親
Rosemary又指選擇男友條件首要心地純良、有耐性及屬於運動型，她說：「如果同我媽咪合得嚟就係bonus啦。」
採訪、攝影:RitaLeung
