黎姿（GiGi）第3年為服裝品牌Moiselle擔任代言人，穩袋逾百萬酬勞，不過她今次不再買鑽石獎勵自己，改而計劃為父母換大屋，果然是個孝順女。早前她拍攝最新宣傳照，除了出動12對私伙鞋外，更自備零食和拖鞋，還帶備電暖爐到場開工，認真諗得周到。
黎姿早前在柴灣為服裝品牌Moiselle拍攝春、夏季服飾廣告，今次已是她第3年為該品牌擔任代言人，除薪酬已作出相應調整外，還給她很大自由度。GiGi說：「酬金方面係有加，不過最緊要大家合作愉快。頭髮、化妝都係一向同我合作開，咁樣會有更好效果。」
計劃市區置業
有傳GiGi今次續任代言人穩袋逾百萬酬勞，問她計劃如何運用？GiGi表示目前還沒有想到，不過應該不會再買鑽飾，她說：「雖然鑽石都保值，但暫時唔會再買，可能會留番遲啲儲夠錢，買過間大啲嘅屋畀爹哋媽咪住，心目中嘅樓會係喺番市區，方便佢哋出入。至於車就唔會再買，我又唔開快車，而且都過咗追買新款車嘅年紀。」
自備開工三寶
拍攝廣告當日，GiGi帶備了12對總值5萬元的私伙名鞋助陣，但早前花費百萬購買的首飾就沒有出動，取而代之是開工三寶，包括：電暖爐、零食及拖鞋。
GiGi笑說：「唏，天氣咁凍，有個暖爐冇咁凍嘛，個爐係由屋企運嚟，食吓零食冇咁悶。至於拖鞋可以用嚟替換，唔使成日着住高踭鞋咁辛苦。」GiGi表示明知吃零食沒有益，但一整日在影樓工作，可用來打發時間，更是平時拍劇出外景必備之物。
採訪：何永寧
攝影：林德雄
