𠵱家喺德甲排尾二嘅漢堡，上周六作客比勒費爾德臨尾香，慘被迫和1:1兼連續10場聯賽不勝，但睇番佢哋嘅表現其實幾好，攞唔晒3分皆因冇運。今晚佢哋會喺主場對科特布斯，德國啲傳媒話如果再贏唔到，教練多爾就會被豉椒炒魷。漢堡雖則仲缺幾個主力，但實力仍喺科特布斯之上，加上有主場之利，計落都捧得過；若然咁都衰，咪當送多爾一程囉！