機管局行政總裁彭定中做埋聽日就拜拜，臨別秋波，佢噚日請埋華華一班傳媒高層食晏，佢話喺機管局做咗六年，最唔捨得班同事。
公關大姐亦忍唔住大讚呢位非一般CEO，事關公關大姐舊年身體抱恙，要入廠大修，彭定中除咗一般慰問之外，仲私底下幫佢查吓做手術個醫生得唔得，令公關大姐非常感動。
彭定中話，離職後會先留港休息幾個星期，之後去糖王郭鶴年私人公司返工，𠵱家仲未知做乜嘢。
唔止派錢咁簡單
但彭定中希望將工作時間分為三方面，即係做生意、慈善同埋學術，佢仲打趣話，做慈善工作唔只係將錢派出去咁簡單，要識好好運用，一定要有目的，可以幫到個社會先得。
[email protected]