韋斯咸啱啱先以600萬鎊（約9,200萬港元）由布力般流浪簽得後衞尼爾加盟，點知呢位澳洲國腳黑到痺，上周六足總盃處子登場對住屈福特，踢得嗰49分鐘就因足踝受傷退下火線，最後球隊仲輸0:1出局。起初以為尼爾傷勢唔係咁嚴重，後嚟診斷過先知要唞1個月，認真黑仔。如果韋斯咸最後護級失敗要降班，真係唔知賴唔賴你好喇。