邪惡、樣衰、勁核突、超恐怖……網絡上流傳的一幅「翻版有牙叮噹」相，只見叮噹及妹妹叮玲張開大口，露出參差不齊的滿口爛牙，加上造工粗糙，罕有地受到網民幾乎一面倒的狂踩。
「好核突！當堂令我冇咁鍾意叮噹……」，阿Yan固然反感，青蛙亦毫不掩飾厭惡之情：「好想嘔呀!有冇嘔吐袋呀，唔該？」火雲更「喊打喊殺」：「嘩……好變態呀！打打打打打……打死你哋。」
滿腹狐疑的Victorian問：「係唔係教人刷牙嗰啲公仔？見佢個百寶袋插住支牙刷。」edmond909則搞笑地猜測：「本來啲牙好哋哋，但係刷牙刷到啲牙跌咗落嚟。」
芸芸網友中，只有寥寥幾人持不同意見，FAFA問：「點解我覺得佢哋好可愛嘅？」
但只有king-kinson一個回應說：「好得意呀，兩個都咁得意，佢哋唔係不嬲都有牙㗎咩？唔係點食豆沙包呀？」